![]() | |
---|---|
![]() | |
Información biolóxica | |
Raza |
caballu árabe y Orlov Trotter (en) ![]() |
Sexu | machu |
Información biográfica | |
Nacimientu | Alemaña, 1895 |
Muerte | 1916 (20/21 años) |
Color |
negro (es) ![]() |
Propiedá de | Wilhelm von Osten |
![]() |
Clever Hans (n'alemán, Hans der Kluge) foi un caballu famosu n'Alemaña a principios del sieglu XX, del que s'alegaba que yera capaz de realizar operaciones aritmétiques (por casu sumar, multiplicar, estremar, trabayar con fracciones etc.) y otres xeres intelectuales (por casu dicir la hora, calcular el calendariu, estremar tonos musicales etc.). El caballu fixo grandes presentaciones públiques onde-y faíen consultes matemátiques y l'animal “respondía” correutamente patiscando nel suelu. La fama de Hans der Kluge el caballu matemáticu trespasó fronteres faciéndose conocíu col nome n'inglés de “Clever Hans” (Intelixente Hans).
Ante les duldes de los científicos sobre la supuesta intelixencia animal creóse una comisión especial encabezada pol psicólogu Oskar Pfungst en 1907. La investigación formal demostró que'l caballu en realidá nun realizaba estes xeres mentales, pero miraba la reacción de los sos observadores humanos. Pfungst afayó na so metodoloxía d'investigación, que'l caballu respondía direutamente a señales involuntaries nel llinguaxe corporal del entrenador humanu, que tenía les facultaes pa solucionar cada problema. L'entrenador yera dafechu inconsciente de qu'él apurría tales señales. N'honor a Pfungst l'anomalía descubierta foi bautizada como'l efeutu Clever Hans y siguió siendo importante na conocencia del efeutu de la mira, la observación participante y darréu estudios na cognición animal.[1]